Helse- og oppvekstfag

Vg1 Helse og oppvekstfag

Helse- og oppvekstfag utdannar deg til å jobbe med menneske.

På vg1 lærer du korleis du skal gi omsorg og støtte til menneske som treng hjelp. I tillegg vil du få grunnleggande teoretiske kunnskapar om kroppen si oppbygging og funksjonar, sosialfag, førebyggande helsearbeid, kostlære, hygiene og førstehjelp. I løpet av dette året får du som elev prøvd deg i arbeidspraksis slik at du skal bli tryggare på kva retning du bør velje vidare.

Helse- og oppvekstfag er eit utdanningsprogram som fører fram til yrke som til dømes helsefagarbeidar, barne- og ungdomsarbeidar, hudpleiar, ambulansearbeidar, farmasiteknikar og fotterapeut. Her får du kunnskap om helsefremjande arbeid, korleis kroppen er bygd opp, hygiene, førstehjelp, sjukdomar, velferdsteknologi og kosthald.

I faget yrkesfagleg fordjupning (YFF) får du prøve  ut ulike yrke innan utdanningsprogrammet, du får moglegheit til å få yrkespraksis ute på arbeidsplassar. Du kan vere utplassert i opptil åtte veker i løpet av skuleåret. Då er du gjerne tre veker på skulen og ei veke i praksis i skulefritidsordning, helseinstitusjon eller barnehage. Opplæringa skal vere praksisnær og tverrfagleg og knyte teori og praksis saman.

Skulen har avtalar med lokalt arbeidsliv i samanheng med praksisperiodane. 

Læreplan i vg1 helse- og oppvekstfag

Vg2 Helsearbeidarfag

Som helsefagarbeidar jobbar du med menneske i alle aldrar og ulike livssituasjonar. Det kan vere barn, vaksne og eldre menneske med ulike funksjonshemmingar, sjukdommar, eller med behov for rehabilitering.

Denne utdanninga vil gje deg kompetanse til å jobbe på sjukeheim, sjukehus, heimesjukepleien, dagsenter for funksjonshemma, bufellesskap og andre institusjonar innanfor helsefaga. Dette er ei utdanning det er behov for både i dag og i framtida.

Ved fullført Vg2 er du kvalifisert for å søkje vidare opplæring i bedrift i helsearbeidarfaget, opplæring i bedrift i portørfaget. 

Som helsefagarbeidar kan du også ta vidareutdanning innanfor mange ulike retningar på fagskule. Andre tek påbygging til generell studiekompetanse og til dømes sjukepleiarutdanning på høskule. Vg2 på skule tek føre seg ein god del teori, men elevane er i løpet av året i praksis i fleire institusjonar.

+

-

Se større bilde

+

-

Se større bilde

+

-

Se større bilde

Bruk piltastene til å bla i bildene

Læreplan i vg2 helsearbeidarfag

Toppidrett

Toppidrett med yrkesfag passar for elevar som likar å trena mykje, og som samtidig ønskjer å utdanne seg innan helse- og oppvekstfag. Vi tilbyr valfritt programfag i toppidrett til dømes fotball, handball, friidrett. Vi kan også tilby toppidrett i andre idrettar etter avtale. Du trenar 5 timar i veka.

Toppidrett.