Bygg- og anleggsteknikk

Vg1 Bygg- og anleggsteknikk

Det første året er felles for alle som vel bygg- og anleggsteknikk, og du lærer om mange yrke du kan utdanne deg til. Opplæringa omfattar prosuksjon, oppføring, ombygging og vedlikehald av bygningar og anlegg med tilhøyrande tekniske installasjonar. Det blir stilt strenge krav til kvalitet og sikkerheit.

Vi disponerer nye og godt utstyrte verkstader som er bygd som ein lærestad, med nye klasserom, verkstader og garderobar. Mykje av dei praktiske øvingane går føre seg i verkstaden, men vi jobbar også utandørs.

Me har ei byggfagavdeling med erfarne lærarar og eit godt etablert nettverk mellom skule og næringsliv. På vg1 og vg2 får du prøve deg hos ein bedrift. Dette gjer elevane godt budde til å møte næringslivet.

I faget yrkesfagleg fordjupning (YFF) tilbyr vi utprøving av fleire lærefag, hovudsakleg gjennom praksis i bedrift. Du vil få praksis i bedrift i åtte veker i løpet av det fyrste skuleåret.

Læreplan vg1 bygg- og anleggsteknikk udir.no

Elevane er også ute på oppdrag i nærområdet. Arna vidaregåande skule tek på seg små og mellomstore oppdrag(pdf).

Vg2 Tømrar

Som tømrar kan du få mange ulike oppdrag, nybygg, ombygging, tilbygg, rehabilitering og restaurering.

Kvart år tar avdelinga på seg arbeidsoppdrag innanfor dette fagområdet. På denne måten får du som elev bryne deg på reelle problemstillingar som du kjem til å møte i arbeidslivet.

I faget yrkesfagleg fordjupning (YFF) går du vidare ned i djupna på tømrarfaget. Mykje av opplæringa i faget går føre seg i praksis i bedrift. Det er her du kan knyte kontaktar for å få deg læreplass. Skulen har lange tradisjonar for samarbeid med ei rekkje bedrifter innanfor bygg- og anleggsfaga. 

Etter fullført vg2 kan du få læreplass som tømrar.

+

-

Se større bilde

+

-

Se større bilde

+

-

Se større bilde

Bruk piltastene til å bla i bildene

Toppidrett

Toppidrett med yrkesfag passar for elevar som likar å trena mykje, og som samtidig ønskjer å utdanne seg innan bygg- og anleggsteknikk. Vi tilbyr valfritt programfag i toppidrett til dømes fotball, handball, friidrett. Vi kan også tilby toppidrett i andre idrettar etter avtale. Du trenar 5 timar i veka. 

Toppidrett.